AQUAE Tarbellae

AQUAE Tarbellae

Auson. Tarbellieae Antonin. quae Aquensium civitas. Liber. Provinc. Erant in finibus Tarbellorum, in arenis, quas Landas vocitant, caput pagi Aquensis, et cum Lapurdo seu Baiona male a quibusdam confunduntur. Habet urbs haec Tarbellorum praecipua ab aquis nomen, a gente cognomen, interdum et ab Augusto, unde nunc Aquae Augustae, nunc Aquae Tarbellicae dicta est. De aquis eius, iita Plin. l. 31. c. 2. Emicant aquae benigne passimque in plurims terris, alibt frigidae, alibi calidae, alibi iunctae: sicut in Tarbellis Aquitanica gente, et in Pyrenaeis montibus, tenui intervallo discernente: quod hodieque ita se habet. Inter 12. provinciae Novempopulanae civitates secunda collocatur et Aquensium dicitur civitas, in veterib. Notitiis, Episcopusque eius primus numeratur, inter decem Antistites,

Auscirano, Vaconiae Archiepiscopo suffragantes, apud Gervasium Tisleberiensem. Vulgo Aqs. alias Dacqs, Episcopatûs ac Vicecomitatus antiqua sedes. Vide Hadr. Vales. Notit. Gall. ut et Aquae Augustae.